Esa ye la de… ye un conciertu pates arriba. Una sesión musical diferente que presenta’l repertoriu tradicional asturianu dende un conceutu bien peculiar. Escúchense habaneres, pasacalles, cantares de chigre o vaqueiraes, mientres se crea un diálogu ente’l públicu y los músicos, que van enmascarando les melodíes.
Ordenáu por niveles de dificultá, surde un xuegu de memoria colectiva que engancha al públicu y va, poco a poco, reconociendo les melodíes. Tolos sabemos que “esa ye la de tal o cual baille”, que “esa ye la que toquen los de la banda de gaites” o que “esa ye la que cantaba la mio güela cuando cocinaba”; dacuando nun tenemos mui claro’l títulu, pero sí sabemos que Esa ye la de…
Los músicos del ensemble L’Arca alternen pieces cantaes con música instrumental, utilizando violinos, viola, violonchelu, trompeta, bodhrán, guitarra, ukelele… ¡inclusive una sartén! Too ello nuna recuperación de la música de siempre pa presentala como nunca.
Esa ye la de...
16 de octubre de 2021 - Espacio Escénico La Habana, Posada (Llanera)
19 de noviembre de 2021 - Auditorio del CPI, Lugones (Siero)
3 de mayo de 2022 - Casa de Cultura, Infiesto (Pilosa)
12 de noviembre de 2022 - Teatro Riera, Villaviciosa
16 de diciembre de 2022 - Casa de Cultura, Puerto de Vega (Navia)
29 de octubre de 2023 - Feria de la Miel, Boal
12 de marzo de 2025 - Casa de Cultura, Riosa
16 de mayo de 2025 - Sala Loreto, Colunga
5 de julio de 2025 - Puerta del Mar. L'Arena (Soto del Barco)
9 de enero de 2026 - Casino, Luarca (Valdés)
Proyecto sofitáu pola conseyería de cultura, politica llingüistica y deporte del Principio d'Asturies na convocatoria 2025 pa la difusión, estudiu y fomentu del patrimoniu cultural asturianu
